संपली एकदाची

तुला छोटीशी प्रतिभा मिळाली

त्याचे किती स्तोम माजवशील?

मान राहिला नाही आता

तुझ्या या प्रतिभेला

गर्दी करून ऐकणा-या श्रोत्याला

सर्दी झाली आहे तुझ्या प्रतिभेची

सगळीकडे विनोद केले जात आहेत

तुमच्या कविकुळावर

ज्यांनी केशवसुत, कुसुमाग्रज, विदांची

ह्रदयातून स्तुती केली

तेच निंदा करत आहेत तुमची

पण तू मात्र

निंदकाचे घर असावे शेजारी

यानुसारच वागतोस

तुझे मुक्तछंद ऐकवताना

श्रोत्यांचा किती रे अंत बघतोस?

तरी बरे की काहीजण

तुझ्या प्रतिभेला टाईमपास तरी म्हणतात

आणि टाळ्यांचा कडकडाटही करतात

संपली एकदाची म्हणून…